Kryetari i Partisë Demokratike të Kosovës, Hashim Thaçi, ka kërkuar nga kryetarët e nëndegëve të këtij subjekti politik në Prizren që në zgjedhjet e nëntorit të mos konfrontohen me asnjë subjekt politik dhe të mobilizohen për të fituar edhe mandantin e tretë në këtë qytet.
Ai i ka porositur përfaqësuesit e këtyre nëndegëve që gjatë fushatës zgjedhore më shumë të flasin për punën që është bërë deri më tash në komunën e Prizrenit, dhe për vizionin e ardhshëm të PDK-së.
Kryetari i PDK-së, Thaçi ka kërkuar nga kryetarët e të gjitha nëndegëve që të bëjnë një fushatë të mirë zgjedhore. “Thaçi kërkoi që të jemi të kujdesshëm gjatë fushatës”, tregon burimi i “PrizrenPress-it”.
Dega e PDK-së në Prizren, përkundër premtimit as sot nuk ka publikuar listën zgjedhore. Sipas burimit brenda këtij takimi, Thaçi ka kritikuar strukturën e partisë për vonesën e hartimit të listës zgjedhore. “ Kryetari kërkoj që të tregohemi të kujdesshmë edhe nga ndonjë pakënaqësi që mund të shfaqet pas publikimit të listës”, tregon burimi. /PrizrenPress.com/