Skender Berisha
Dhe prehet njeriu prehet
bie si gjeth bie
ndër grimca dheu përbihet
përtyp veten sa me nge
e merr frymë e nuk ngihet
nën dëborën që bie
e ndien si nuk ndien
edhe ujërat i ndien
dhe vazhdon të ndiej përjetësisht
të ndiej cicërrimat e shpirtërave
që tiktakojnë nëpër orët e shkuara
edhe nëpër orët që vijnë
ndien si hapen të gjitha dritaret
të hyjë paravera të hyjë
pastaj fjalët e bukura që bredhin
nëpër kërcejtë e rinj të luleve
nëpër lulet që rriten në shpirt
dhe që nuk veniten kurrë
dhe prehet njeriu i lodhur bukurie
prehet atje në atë korije
10 tqtor 2017,Prizren