Presidenti i vendit, Hashim Thaçi do të qëndrojë për një vizitë njëditore në Kukës, për siç tha në shenjë falënderimi për zemërgjerësinë dhe bujarinë e treguar në periudhën më të vështirë për qytetarët e Kosovës.
Presidenti thotë se falë solidaritet dhe ndjenjës së pastër atdhetare, në Kukës dhe në mbarë Shqipërinë, kosovarët e dëbuar gjetën ngrohtësinë e vatrës shqiptare.
Lexoni të plotë postimin e Thaçit në Facebook:
“Rrugës për në Kukës, për një vizitë njëditore në shenjë falënderimi për zemërgjerësinë dhe bujarinë e treguar në periudhën më të vështirë për ne.
Falë solidaritetit dhe ndjenjës së pastër atdhetare, në Kukës dhe në mbarë Shqipërinë, kosovarët e dëbuar gjetën ngrohtësinë e vatrës shqiptare.
Për qytetarët e Kukësit sot do të ndajë medaljen ‘Urdhri i Lirisë’”. /Telegrafi/