Prokuroria e ka thënë fjalën e vet në rastin e gjykimit ndaj Fatmir Limajt dhe të tjerëve.
Nën akuzën për krim të organizuar, abuzim me detyrën zyrtare, dhënie e marrje ryshfeti Limaj bashkë me Shpëtim Telakun, Endrit Shalën, Nexhat Krasniqin e Flormi Zukën, u paraqitën dje në Gjykatë.
Prokurori Charles Hardaway është ndalur në dy çështje kyçe që sipas tij mbrojtja i përdor si armë të vetën, njofton Klan Kosova.
Sipas tij, pretendimi i Limajt, se ndaj tij është organizuar një komplot politik nga vendor e ndërkombëtar nuk mund të merret parasysh.
Prokurori ndër të tjera ka thënë se brenda MTPT-së, sa Limaj ishte ministër, kishte ndërhyrje politike në anën civile.
Ndërkohë seanca do të vazhdojë edhe sot ku fjalën përfundimtare do ta japë mbrojtja.
Më poshtë mund ta ndiqni kronikën e zgjeruar të përgatitur nga gazetari Dibran Istrefi për seancën e djeshme të rastit Limaj.