Drejtori i shkollës “Dëshmorët e Hasit” në Kabash të Hasit, Adem Morina, thotë se procesin mësimor është duke e mbajtur me gjenerator.
“Edhe ngrohja për nxënës është duke funksionuar me gjenerator, prandaj procesi mësimor po zhvillohet në suaza të normales”, tregon Morina.
Ai, i ka bërë thirrje KEDS-it që sa më shpejt të intervenojnë në rregullimin e rrymës në këtë fshat.
“Unë kërkoj nga KEDS që të ndërmerr masa në rregullimin e energjisë elektrike”, shprehet ai.
Morina premton se nuk do të lejojë që në mungesë të rrymës t’i mërdhi nxënësit.
“Kam qenë dhe do mbes i përkushtuar që cilësia dhe edukimi të jetë në nivel”./PrizrenPress.com/