Lëvizja Vetëvendosje dhe Lidhja Demokratike e Kosovës(LDK) kanë arritur marrëveshje për të bashkëqeverisur në Prizren.
Dy partitë politika tashmë kanë ndarë edhe “kulaçin” e pushtetit.
LDK në qeverinë e Mytaher Haskukës, do t’i ketë tri drejtori dhe postin e Nënkryetarit të Komunës.
“Po, kemi arritur marrëveshje me LDK-në për ndarjen e Ekzekutivit. LDK do t’i ketë tri drejtori dhe postin e nënkryetarit të Komunës”, tregon një burim për “PrizrenPress”.
LDK-ja në zgjedhjet e balotazhit, pati mbështetur heshturazi kandidatin e VV-së, Mytaher Haskukën, për kryetar të Prizrenit.
Kryetari i Prizrenit, Mytaher Haskuka, ka premtuar ndërkaq se, qeveria e re do të formohet brenda këtij muaj./PrizrenPress.com/