Juventus ka nisur zyrtarisht operacionin që mund të sjellë Emre Can tek bardhezinjtë.
Nuk bëhet për fjalë për tani, por për merkaton e ardhshme që hapet në qershor.
Marotta dhe Paratici kanë pritur javën e ndalimit të kampionatit për të paralajmëruar, si zakonisht, Liverpoolin jo vetëm për interesin ndaj lojtarit, por edhe për qëllimin që ta kontaktojë atë për të diskutuar ofertën.
E cila mendohet se do të bazohet në një kontratë pesë-vjeçare, ku gjermani do të përfitojë 5 milionë euro në sezon, plus bonuseve.