Prokuroria në Gjakovë ka kërkuar masën e paraburgimit ndaj të arrestuarve nën dyshimin për vrasjen e dy vëllezërve Maloku në Plloçicë të Malishevës.
Prokuroria e Gjakovës ka kërkuar nga Gjykata Themelore e këtij qyteti që të caktojë masën e paraburgimit ndaj dy personave të arrestuar dje nën dyshimin se kanë kryer vrasjen e dy vëllezërve Maloku në Plloçicë të Malishevës.
Lajmin për KALLXO.com e konfirmoi prokurori i Prokurorisë Themelore të Gjakovës, Agron Matjani.
“Po, sapo dola nga seanca dëgjimore. Ne paraqitëm kërkesat ndaj dy të dyshuarve për paraburgim 30 ditor në lidhje me vrasjen e dyfishtë që ka ndodhur dje në Malishevë”, tha Matjani.
Ai më tutje shtoi se tash pritet vendimi i Gjykatës në Gjakovë për të parë se çfarë mase do të shqiptohet.
Vrasja e dy vëllezërve Maloku ndodhi dje në orët e para të ditës në fshatin Plloçicë të Malishevës.
Lexo më shumë në: http://www.gazetaexpress.com/lajme/vrasja-e-vellezerve-ne-malisheve-kerkohet-paraburgimi-i-te-arrestuarve-509716/?utm_source=referral&utm_medium=web&utm_campaign=copyright