Një ngjarje e rëndë është regjistruar në një fshat të Vlorës. Raportohet se 40 vjeçari Dilaver Veshaj ka vrarë me sëpatë kushëririn e tij, 37 vjeçarin me inicialet A.V.
Mësohet se ngjarja e rëndë ka ndodhur në fshatin Gumenincë të Vlorës. Sipas policisë, 40-vjeçari e ka goditur disa herë në kokë, duke i shkaktuar atij plagë të rënda.
Nga veprimet hetimore paraprake dyshohet se të dy shtetasit janë konfliktuar me njëri-tjetrin për motive të dobëta, dhe më pas autori Dilaver Veshaj e ka goditur disa herë në kokë me mjet prerës (sëpatë), shtetasin A.V., i cili për pasojë ka ndërruar jetë.
Grupi hetimor po punon për zbardhjen e plotë të rrethanave të ngjarjes.