Serbia ende nuk i ka plotësuar të gjitha kushtet për të kaluar shkallën tjetër në rrugën e vet evropiane, ka thënë për gazetën Novosti të Beogradit, Andreas Shokenhof.
Sipas tij duhen ende përpjekje që Gjermania të bindet për të dhënë ‘dritën e gjelbër’ për fillimin e bisedimeve për interesim. “Zbatimi i Marrëveshjes së Brukselit po bëhet shumë ngadalë. Ka ende shumë çështje të hapura të cilat liderët e dy vendeve duhet t’i zgjidhin”, thotë Shokenhof.
”Mbajtja e zgjedhjeve të lira dhe fer më 3 nëntor është gjithashtu pjesë e kësaj. Ndërsa Beogradi duhet t’i sqarojë më mirë popullit në veri të Kosovës se ç’dobi ka nga procesi i normalizimit”, porosit Shokenhof.