Presidenti i Filipineve, Rodrigo Duterte e mallkoi një ekspert të të drejtave të njeriut të OKB-së që tha se pavarësëia e gjyqsorit në vend ishte e kërcënuar që “ të shkonte në ferr” duke e paralajmëruar kundër ndërhyrjes në punët e brendshme.
Gjykata e Lartë e Filipineve votoi muajin e kaluar për të hequr Shefen e Drejtësisë, Maria Lourdes Sereno, të cilën Duterte e quante “ një armike”, sepse kishte votuar kundër propozimeve të qeverisë, duke përmendur shkeljet në mënyrën sesi ishte emëruar.
Shkarkimi i saj i jep një mesazh trishtues, gjykatësve të tjerë dhe anëtarëve të gjyqësorit, tha Diego Garcia Sayan, raportuesi special i OKB për pavarësinë e gjyqtarëve dhe avokatëve.
“I thoni atij të mos ndërhyjë në çështjen e brendshme të vendit. Të shkojë në ferr”, “tha Duterte, në një konferencë shtypi të shtunën në darkë, para se të niste një vizitë zyrtare në Korenë e Jugut.
Lideri filipinas është i njohur për sfidën që i ka bërë presionit ndërkombëtar dhe sulmet e tij kundër kritikëve.
Në veçanti ai ka kërcënuar ish-presidentin amerikan Barack Obama dhe raportuesin specialë të OKB-së që e akuzuan për vrasjet pa gjyq, luftën e ëprgjakshme kundër drogës dhe projektin e tij për të sjellë sigurinë publike./SYRI.NET