Kandidati i koalicionit AAK – LDD për kryetar të Prizrenit, Lulëzim Kabashi, ka uruar drejtorin e Policisë së Kosovës në Prizren, Nexhmi Krasniqi për lirimin nga aktakuza e EULEX-it, rreth luftës së UÇK-së. Ai tha se edhe një herë u rikonfirmua se lufta e UÇK-së ishte e pastër dhe çlirimitare. Kandidati Kabashi dhe drejtori i PK-së, Krasniqi kanë biseduar edhe për vazhdimin e bashkëpunimit në mes dy institucioneve; Komunës dhe Policisë.
Kabashi po ashtu ka vizituar edhe zyrtarët e KEDS-is (ish KEK-ut).Ai gjatë kësaj vizite është informuar mbi problemet dhe preokupimet me të cilat po ballafaqohet ky institucion i rëndësishëm për jetën e qytetarëve.
Ai ka vizituar edhe Qendrën për Aftësime Profesionale në Prizren,me ç’rast është informuar me punën dhe aktivitete e saj. Ai premtoi se nëse zgjedhet kryetar i Prizrenit, bashkëpunimi ndërsintitucional do të jetë shumë i mirë.
Kabashi vizitoi edhe “Hidroregjionin Jugor” në Prizren. Ai më përfaqësuesit e kësaj ndërmarrje ka biseduar për punën që është duke bërë ky institucion, sa i përket sigurimit të ujit të pijes për qytetarët, por edhe për problemet me të cilat po ballafaqohen./PrizrenPress.com/