Ditët e fundit presidenti i SHBA Donald Trump përsëri gjendet në qendër të aferës rreth mashtrimeve gjatë fushatë presidenciale.
Ish avokati i tij Michael Cohen e ka pranuar fajësinë, derisa ish shefi i fushatës së tij është shpallur fajtor për tetë pika të aktakuzës. Të dytë ballafaqohen me dënime me burgim shumëvjeçar, dh të gjithë tani bëjnë pyetje çfarë të bëhet tani me presidentin.
Përsëri flitet me të madhe rreth impiçmentit, gjegjësisht shkarkimit të tij, në çka Trump përgjigjet se nuk e ka të qartë se si mund të shkarkohet kur ka bërë aq shumë dhe se po përmirësohen marrëdhëniet ekonomike në vend.
Njëkohësisht ka theksuar se nëse rastësisht ndodh që ai të shkarkohet, në atë rast të gjithë do të jenë të varfër dhe se do të vijë deri te rrënimi i tregut, transmeton Insajderi.com.
“Nëse ndonjëherë shkarkohem mendoj se do të rrënohet tregu dhe mendoj se të gjithë do të jenë të varfër”, ka thënë Trump në intervistën më të re.
Ai gjatë intervistës ia ka thënë vetit notën pesë plus sepse konsideron se është treguar shumë i mirë në punën e gjertanishme, transmeton CNN.
“Do t’ia jepja vetit pesë plus. Mendoj se asnjë president, kurrë nuk ka bërë atë çfarë kam bërë unë”, ka thënë ai.
“Nuk jemi as në gjysmën e mandatit. Kemi bërë shkurtimet më të mëdha tatimore në histori. Së shpejti do t’i emërojmë dy gjykatës së Gjykatës Supreme. Keni rast të shihni gjithë çfarë kemi bërë deri tani, ndërsa ekonomia është më e mira në histori. Gjëja e vetme në të cilën nuk jam i mirë është që shtypi raporton gabimisht për gjithçka”, ka thënë ai.