Partia Demokratike në Prizren ka mbajtur një takim me kryetarët e nëndegëve, kandidatët për Asamblëne Komunale dhe shefat e shtabeve zgjedhore nëpër nëndegët e lagjes “Xhevat Berisha”, “ Kongresi i Manastirit”, “ Lagjja e UÇK-së”, dhe fshati “ Leskovec”.
Takimi është udhëhequr nga ana e kryetarit të Degës së PDK-së në Prizren Minir Krasniqi, shefi i Shtabit Zgjedhor, Hasan Hasni, dhe sekretari i Degës Nijazi Kryeziu.
Kryetari i Degës së PDK-së në Prizren, Minir Krasniqi tha se duhet një angazhim më të madh me të gjitha strukturat e nëndegëve me qëllim të mobilizimit strukturor. Ai kërkoi nga kandidatët që të paraqesin të gjitha projektet të cilat janë realizuar nga ana e Qeverisë së Komunës që është udhëhequr nga kryetari i Komunës së Prizrenit, Ramdan Muja.
Gjithashtu u kërkua që para qytetarëtve të shpaloset plaforma politike dhe programore e PDK-së për qeverisjen e ardhshme.
Shefi i Shtabit Zgjedhor Hasan Hasani, tha ndërkaq se udhëheqja e qeverisë lokale në Prizren, është dëshmija më e fort, se si duhet dëgjuar hallet dhe brengat e qytetarëve dhe si kërkesat e qytetarëve të Komunës të kthehen në rezultate konkrete me projekte në interes të komunitetit.
Strukturat e PDK-së i janë falënderuar qeverisë lokale për investimet që janë bërë nëpër të gjitha lagjet dhe në fshatrat e kësaj ane dhe janë zotuar se bashkërisht do punojn dhe këtë bashkëpunim do ta vazhdojnë edhe në të ardhmen.
Në këtë takim është theksuar se PDK-ja ka programin dhe platëformën zgjedhore, e cila ka ndryshuar pamjen jo vetëm Prizrenit, por edhe fshatrave për rreth duke i shëndrruar ato në paralagje të qytetit./PrizrenPress.com/