Ministria e Arsimit, Shkencës dhe e Teknologjisë e Kosovës ka certifikuar grupin e parë të mësimdhënësve të gjimnazit „Loyola“ në Prizren, të cilët, pas trajnimeve të nevojshme, vitin e kaluar kanë zbatuar në praktikë Kurrikulën e re programore të hartuar nga kjo Ministri.
Janë gjithsej 33 mësimdhënës të certifikuar, ndërsa grupi tjetër pritet të certifikohet vitin e ardhshëm.
Tërë stafi është i përkushtuar të implementojë Kurrikulën e re dhe risitë që sjell ajo, për të qenë në linjë të zhvillimeve dhe reformave nëpër të cilat po kalon sistemi shkollor, jo vetëm te ne, por edhe në vendet tjera evropiane..„Loyola – Gymnasium“, sivjet, për të dytin vit me radhë vazhdon të zbatojë Kurrikulën e re programore në nivelet e parapara, njëkohësisht duke u ofruar kushtet e nevojshme nxënësve dhe mësimdhënësve për një arsimim cilësor dhe atraktiv.