17.8 C
Prizren
E premte, 11 Korrik, 2025

“Nuk ka prova” se gazetarja bullgare u vra për punën e saj

Zyrtarët në Bullgari thanë se, deri më tash, nuk ka prova që sugjerojnë se vrasja e një gazetareje televizive, që tronditi këtë vend, lidhet me punën e saj.

“Bëhet fjalë për përdhunim dhe vrasje”, tha ministri i Brendshëm i Bullgarisë, Mlladen Borisov, i cili udhëtoi drejt qytetit Ruse për të mbikëqyrur hetimet në lidhje me vrasjen e Victoria Marinovas.

Trupi i Marinovas, 30 vjeçe, u gjet të shtunën në një park në Ruse, pranë Lumit Danub.

Policia tha se ajo është rrahur brutalisht, përdhunuar dhe vrarë dhe se hetime po bëhen edhe të jetës së saj personale, edhe të asaj profesionale.

Vdekja e saj shkaktoi reagim ndërkombëtar dhe thirrje për hetime gjithëpërfshirëse.

“I tronditur nga vrasja e tmerrshme e Victoria Marinovas. Përsëri, një gazetar i guximshëm bie në luftën për të vërtetën dhe kundër korrupsionit”, tha zëvendëspresidenti i parë i Komisionit Evropian, Frans Timmerman, në një postim në Twitter.

Marinova për shumë vite ka punuar në stacionin televiziv TVN dhe ka qenë anëtare e ekipit menaxhues atje.

Disa muaj më aprë, ajo ka nisur një program hulumtues të quajtur Detektor.

Programi i saj i fundit ka përfshirë intervista për korrupsion të dyshuar të disa kompanive private që keqshpenzojnë fondet e Bashkimit Evropian.

Marinova është gazetarja e tretë që ka pësuar vdekje të dhunshme në Bashkimin Evropian gjatë 12 muajve të fundit. /Rel

Më Shumë

Dalin në shitje biletat për ndeshjen Malisheva – Vikingur

Malisheva ka njoftuar se biletat për ndeshjen kundër Vikingur Reykjavik janë tashmë në shitje. Ndeshja Malisheva – Vikingur do të zhvillohet të enjten në stadiumin...

Kapen nga radari e nuk njoftohen, kosovarët ndëshkohen me gjoba me kamatë

Shumë qytetarë të Kosovës që udhëtojnë për Shqipëri janë ankuar se për gjobat që i marrin gjatë udhëtimit të tyre në Shqipëri përmes radarëve,...

Lajmet e Fundit