Kryetari i PDK-së Kadri Veseli, do të marrë pjesë sor në Kuvendin zgjedhor të nëndegës në Korishë të Prizrenit.
“Nesër me datë 25 nëntor 2018 duke filluar nga ora 13:00 mbahet Kuvendi Zgjedhorë i Partisë Demokratike të Kosovës në nëndegën e Korishës. Në ceremoninë solemne të hapjes së punimeve të Kuvendit zgjedhorë do jetë pjesëmarrës edhe Kryetari i PDK-së Kadri Veseli”, njofton PDK në Prizren.
Samir Hoxha, kryetar i Komisionit zgjedhor të PDK-së në prizren tha se ky proces po ecën mirë.
“PDK ka filluar procesin zgjedhor brenda partiak. Përgatitjet për procesin zgjedhor deri më tani po ecin në drejtimin e duhur, falë strukturave drejtuese të PDK-së, të cilat po tregojnë gatishmëri dhe përgjegjësi për të punuar”, tha Hoxha.
“Evidente dhe shumë inkurajuese është interesimi i madh i shumë qytetarëve për të qenë pjesë e strukturave të PDK-së, për tu anëtarësuar dhe për të marrë përgjegjësi në strukturat drejtuese të Partisë Demokratike të Kosovës e cila drejtohet në frymën e “Dekadës së Re” të cilën po e udhëheq kryetari i PDK-së, Kadri Veseli”./PrizrenPress.com/