Qytetarët që kërkojnë shërbime brenda objektit të Komunës së Prizrenit nuk po lejohen të hyjnë brenda për shkak të grevës së përgjithshme të shërbyesve civile
Greva e shërbyesve civilë ka filluar këtë javë duke përcjellur edhe grevat në sektorë të tjerë.
Kryetarja e sindikatës së nëpunësve civil në Prizren, Dashurie Memqaj i ka urdhëruar të gjithë punëtorët e sigurimit që të ndalohet hyrja e personave brenda objektit
Gazetari i KALLXO.com raporton se në orën 10 kishte pasur nënpunës që kryenin shërbime derisa kryetarja e sindikatës e ndaloi këtë.
Një numër i konsiderueshëm i qytetarëve po presin jashtë në temperaturën 2 gradë celcius, për hapjen e dyerve të administratës.
Për dallim nga dje, qytetarët nuk janë lejuar të qëndrojnë brenda objektit.