Skulptori Luan Mulliqi hapi ekspozitën “Hasjania” , në Galerinë e Hamamit të Prizrenit.
Në këtë ekspozitë janë shfaqur 30 skulptura.
Ky aktivitet u organizua nga Ministri i Kulturës, Rinisë dhe Sportit, Kujtim Gashi.
“Ju do të thoni se çfarë lidhje ka 7 marsi me hasjanët, unë do të shtoja se mësuesi i shkrimtarëve të parë shqiptarë ishte Pal Hasi, nga i cili kishin mësuar Gjon Buzuku e Pjetër Budi, për të vazhduar më pas me Pjetër Bogdanin e Pjetër Mazrrekun, që gjithashtu janë nga Hasi i Skënderbeut. Andaj edhe unë u lumturova kur dëgjova për këtë ekspozitë dhe me kënaqësi e pranova që të jetë nën organizim të Ministrisë për Kulturë Sport dhe Rini”, u shpreh Gashi.
Ndërsa, akademik Mulliqi shprehu falënderimin e tij për mundësinë e dhënë që veprat e tij artistike të kenë mundësinë të shfaqen në qytetin që është vatër e kulturës shqiptare./PrizrenPress.com/
