Kandidati i koalicionit AAK-LDD për kryetar të Prizrenit, Lulëzim Kabashi ka shpalosur platformën e tij të qeverisjes në lagjen e “Trimave” dhe Nëndegën “7 Shtatori”. Ai edhe në këto dy takime elektorale tha se do të angazhohet për zhvillimin ekonimik të Prizrenit.
“ Zhvillimi ekonomi i Prizrenit mund të bëhet me funksionalizimin e zonave industriale, investimet në sektorin e bujqësisë, investimet në sektorin e turizmit dhe në atë të ndërtimit, përmes të cilave do të krijohen vende të reja të punës, e që synim kryesor i qeverisjes së ardhshme është që secila familje në komunën e Prizrenit, të ketë së paku një të punësuar”, tha Kabashi në lagjen e “Trimave” dhe në Nëndegën “7 shtatori”.
Kryetari i Degës së AAK-së, Fatmir Kastrati tha ndërkaq, se koalicioni është duke e vazhduar rrugëtimin drejt fitores.
“Ne si koalicion AAK dhe LDD, kemi gjetur gjuhë të përbashkët, dhe po vazhdojmë rrugëtimin tonë, duke besuar se në këto zgjedhje do të jemi fitues, dhe kryetar i ardhshëm i komunës së Prizrenit, do të jetë kandidati jonë i përbashkët, Lulzim Kabashi”.
Kastrati tha se banorët e lagjes së “Trimave” dhe Nëndegës “7 Shtatori”, presin ndryshime në qytetin e Prizrenit.”Këto ndryshime do të ndodhin me ardhjen në qeveri të koalicionit AAK-LDD, dhe kryetarin e ardhshëm të Prizrenit, Lulzim Kabashi”./PrizrenPress.com/