Ministri në largim i Kulturës Rinisë dhe Sportit, Kujtim Gashi, në fshatin Stubëll të Epërme të Vitisë, ka takuar përfaqësuesit e fshatit.
“Atyre ua dorëzova vendimin e shumë pritur, atë për shkollën e parë shqipe e cila është në mbrojtje të përhershme në Listën e Trashëgimisë Kulturore për Mbrojtje”, shkruan Ministri Gashi.
“Shkolla shqipe e Stubllës ka një traditë pesëshekullore. Në këtë fshat të Malësisë së Karadakut, që përmendet në vitin 1555, më 1584 fillon traditën arsimi shqip”.
“Duke i ruajtur gjurmët e të kaluarës së lavdishme, dëshmojmë lashtësinë e frymimit shqip të kësaj toke ndërsa duke e nderuar sakrificën e shumë gjeneratave e ndërtojmë të sigurt të ardhmen e gjeneratave të reja” shkruan ministri i Kulturës Rinisë dhe Sportit Kujtim Gashi.
