Kandidati për deputet nga radhët e PDK-së, Kujtim Gashi, ka folur për zgjedhjet e ardhshme që pritet të mbahen në vendin tonë.
Është tanimë e ditur se të gjitha partitë po aludojnë se do të mposhtin korrupsionin dhe nepotizmin që ka ngulfatur institucionet. Ministri në detyrë i Kulturës, Rinisë dhe Sportit, Kujtim Gashi, thotë se asnjë parti nuk mund t’i i luftojë dhe për këtë ka një fakt interesant.
“Partitë tjera po flasin shumë për luftimin e korrupsionit dhe nepotizmit, por ato nuk janë të gatshme të marrin veprime”, ka thënë Gashi.
“E dëshmuan këtë me mosnënshkrimin e Paktit antikorrupsion që nuk janë të gatshëm për veprime”
Tutje Gashi ka hedhur akuza edhe ndaj LDK-së, duke thënë se në listën e tyre ka persona që kanë akuza.