Ish-kryetari i PDK-së në Rahovec, Xhelal Canziba është rikthyer sot në Partinë Demokratike të Kosovës.
Canziba, i cili ka një ndikim të madh në elektoratin e Rahovecit është rikthyer sërish në PDK, ku kohë më parë ishte larguar.
Kryetari i Drenasi, Ramiza Lladrovci ka postuar një fotografi në profilin e tij në Facebook, ku ka njoftuar për rikthimin e Canzibës në PDK.
“Shoku ynë i moçëm, u rikthye në shtëpi, për ta përkrahur vizionin e liderit Kadri Veseli dhe Partisë Demokratike të Kosovës. Ne jemi të pandalshëm për fitoren e 6 tetorit, kundër korrupsionit dhe dukurive negative në vendin tonë, për zhvillim ekonomik dhe perspektivë për të rinjtë tanë”, ka shkruar Lladrovci.
Në këtë foto shihet edhe ish kryetari i Ferizajt nga radhët e PDK-së, Bajrush Xhemajli.
Ditëve të fundit, në PDK kanë aderuar shumë personalitete në shumë komuna të Kosovës.
