Shefi i shtabit te LDK-së në Rahovec, Fehmi Cena, ka deklaruar se mban shpresë që rezultati në fund mund të ndryshojë, marrë parasysh që ende po vazhdon numërimi i votave dhe se diferenca mes partive është e vogël.
“Në nivel nacional është një dallim i vogël, megjithatë mendojmë që rezultati nuk është përfundimtar meqenëse nuk është bërë numërimi i gjithë votave, dhe këtë dallim të vogël mendojmë që mund ta përmirësojmë, kjo mund të ngjasë edhe në nivel komune e edhe në atë të përgjithshëm”.
“E vlerësojmë pozitivisht rezultatin tonë në këto zgjedhje parlamentare, megjithatë duke i krahasuar me zgjedhjet e kaluara e kemi një rënie, por në rangim me partitë tjera jemi ngritur”.
“Dallimi është shumë i vogël dhe mundësia për ndryshim është shumë reale. Në Rahovec vetëm 300 vota jemi pas AAK-së, e ato nuk janë shumë”.
“Rënie të votave kemi në qytet dhe mendojmë se Vetëvendosje e ka bërë këtë ndryshim, meqë kjo parti në qytet ka dalë e para, përndryshe ne rrethinë jemi shumë më mirë”, u shpreh Cena.