Kryetari i Komunës së Suharekës, Bali Muharremaj, e ka vizituar SHFMU “Iliria”, në fshatin Savrovë.
Ai së bashku me drejtorin e Kulturës, Beqir Berisha i kanë dhuruar 1 015 tituj librash për bibliotekën e kësaj shkolle.
Muharremaj bashkë me nxënësit dhe stafin e shkollës së fshatit Savrovë, i kanë vendosur në sirtarë, këto libra për lexuesit.
Gjatë qëndrimit në shkollë, kryetari Muharremaj ka thënë se 1 015 libra më shumë, janë tashmë pjesë e bibliotekës së Shkollës Fillore “Iliria” në Savrovë”.
“Me nxënësit së bashku i radhitëm sipas renditjes për lexuesit. Investimi për dije duke krijuar kushte sa më të mira në cilësi në mësim do të mbetet angazhim i përhershëm”, ka thënë kryetari Muharremaj.