Kandidati i PDK-së për kryetar të Komunës së Prizrenit, Ramadan Muja, ka mbajtur takim elektoral me banorët e fshatit Dedaj.Muja para banorëve hasjanë, ka shpalosur programin zgjedhor. Ai tha se në dy mandate ka bërë punë të mëdha në Has.“Puna e madhe që është bërë për Hasin është vetëm një fillim i mbarë për përmirësimin e kushteve, ndërsa në të ardhmen do të jemi edhe më afër jush, që t’i plotësojmë të gjitha kërkesat, sepse PDK-ja është parti, që investimit i orienton në bazë të kërkesave të banorëve”, tha Muja.
Ai tha se në fshatin Dedaj më 1 nëntor do të vihet gurthemeli i shkollës së re.“Vonesat e fillimit të punimeve për këtë shkollë kanë ndodhur për shkak të mospërcaktimit të pronësisë, andaj ne do të vazhdojmë të ndërtojmë objekte shkollore në të gjitha fshatrat ku ka nevojë, sepse jemi të përcaktuar për ngritjen e cilësisë së arsimit”.
Bashkëfshatarja Sherife Balaj, në këtë takim ka shpalosur në pika të shkurtra programin zgjedhor të PDK-së për Hasin.“Deri në zgjedhjet e fundit kemi qenë të orientuar me LDK-në, por tani edhe unë edhe familja a edhe i gjithë fshati Dedaj jemi bindur se PDK-ja është i vetmi subjekt politik që të gjitha premtimet i bën realitet dhe se është e vetmja parti që ka vizion të qartë për Hasin, ashtu siç ka edhe për Prizrenin dhe Kosovën Europiane”.Kandidati për Asamblenë Komunale, Halil Cikaj tha ndërkaq se nëse votohet PDK-ja, Hasi do të përparojë edhe më shumë. /PrizrenPress.com/