Kandidati për kryetar të Komunës së Prizrenit, Ramadan Muja, ka vizituar Kishën Katolike në Prizren. Muja gjatë kësaj vizita është pritur nga Kancelari i Ipeshkëvisë së Kosovës Dhon Shan Zefi.
“Takimet tona nëpër institucionet fetare kanë qenë dhe do jenë të rregullta dhe këto bëhen me qëllim të respektimit të diverzitetit fetar në komunën e Prizrenit dhe promovimit të tolerancës fetare që ka komuna jonë”.
Muja është njoftuar nga ana e Don Shan Zefit, edhe me procesin e restaurimit i cili është duke ndodhur në kishën katolike në Prizren.
Muja gjatë kësaj vizite tha se në mes të institucioneve fetare dhe atyre të qeverisë lokale në Prizren, ekziston një bashkëpunim i shkëlqyeshëm.“Kjo tregon për tolerencen fetare që ka Prizreni Europian”./PrizrenPress.com/