Një person është arrestuar të hënën në Komunën e Rahovecit, pasi dyshohet se ka vepruar në kundërshtim me masat e Qeverisë së Republikës së Kosovës, për parandalim të virusit Covid-19.
Sipas raportit 24 orësh të Policisë së Kosovës, ai është arrestuar derisa ishte duke të lëvizur pa arsye gjatë orës policore”
“Me 06 prill 2020 rreth orës 18:35, në fshatin Xërxe të Rahovecit, është arrestuar i dyshuari mashkull kosovar pasi që i njëjti është hasur duke lëvizur me automjet pa ndonjë arsye në kohën kur nuk lejohet lëvizja e lirë sipas vendimit të Qeverisë së Republikës së Kosovës.”, thuhet në raport.
- Sipas Policisë së Kosovës, pas intervistimit, i dyshuari me urdhër të prokurorit është liruar në procedurë të rregullt. /BetimipërDrejtësi