Partia Konservatore e Kosovës (PK) në Prizren, po planifikon që të jetë neutral në balotazh të kandidatit të PDK-së Ramadan Muja dhe të LDK-së, Eqrem Kryeziu.
Kryetari i PK-së, Munir Basha tha se disponimi i anëtarëve të Kryesisë, është që në balotazh të mbesin neutral. “Jemi duke i pritur rezultatet përfundimtare të KQZ-së. Kur t’i marrim rezultatet do të shikojmë, edhe pse disponimi është që të mbesim neotral në balotazh”, tha Basha për “PrizrenPress”.
Ai tregon se nga dy partitë politike kanë marrë “selame”, që t’i mbështesin në balotazh. “I kemi marrë disa ‘selame’, mirëpo nuk i kemi shqyrtuar. Disponimi është që të mos mbështetet as Muja as Kryeziu”. /PrizrenPress.com/