Dy persona janë arrestuar gjatë vikendit në Komunën e Rahovecit, pasi dyshohet se vepruan në kundërshtim me masat e Qeverisë së Republikës së Kosovës, për parandalimin e përhapjes së virusit Covid-19.
Kjo është bërë e ditur përmes raportit 24 orësh të Policisë së Kosovës.
“Me 02 maj 2020 rreth orës 23:30, në Rahovec në rrugën “Sheh Mihedini”, janë arrestuar dy të dyshuar mashkuj pasi që të njëjtit nuk e ka respektuar vendimin e lëshuar nga Qeveria e Kosovës”, thuhet në raport.
Sipas Policisë së Kosovës, me urdhër të prokurorit, pas intervistimit të dyshuarit janë dërguar në mbajtje. /BetimipërDrejtësi