Komuna e Prizrenit ka vazhduar aksionin për pastrimin e deponive ilegale të mbushura me mbetje inerte dhe me mbeturina të ndryshme.
Kështu, sot janë pastruar dy anësoret e rrugës që lidhin fshatrat Shpenadi dhe Novak me gjatësi rreth 2,5 km, ku nga ky segment janë larguar rreth 90 kamionë me mbeturina dhe mbetje të ndryshme inerte të shkaktuara nga ana e qytetarëve.
Në inspektimin e pastrimit të kësaj deponie ilegale ishte edhe kryetari i Komunës së Prizrenit, Mytaher Haskuka dhe drejtori i Drejtorisë së Shërbimeve Publike, Levent Kasemi.
