Një person në fshatin Zliptok të Dragashit është dërguar pa shenja jete në spital. Ndërkaq vdekjen e tij Policia e ka konsideruar të dyshimtë.
Sipas një dëshmitari, viktima kishte qenë në bjeshkët e fshatit Zlipotok dhe nuk ishte ndjerë mirë me shëndet.
“Njësitë policore kanë dalë në vendin e ngjarjes, ndërsa trupi i pajetë i viktimës me urdhër të prokurorit është dërguar në IML për obduksion. Rasti vazhdon të hetohet”, thuhet në raportin 24-orësh të Policisë.