Pas dështimit të rishikimit të buxhetit komunal të Prizrenit në mbledhjen e sotme, ku nuk morën pjesë partitë opozitare, ka ardhur reagimi i sekretarit të përgjithshëm të Degës së PDK-së në Prizren, Visar Islamaj.
Në një postim në Facebook, Islamaj thotë se i pari i Prizrenit kërkon vota për kalim të vendimeve të tij pasi e ka prishur koalicionin me partnerët e deritashëm.
Ai ka thënë se qasja e kryetarit të Prizrenit, Mytaher Haskuka në zhvillimin e qytetit është degraduese.
“Sot, Mytaher Haskukës i dështoi seanca urgjente e Kuvendit të Komunës për rishikimin e buxhetit, ngase para ca ditësh e përjashtoi partnerin e fundit nga koalicioni, prandaj është e habitshme se si, i njëjti, pret që me qasje përjashtuese t’i afrohen partnerë për t’ia bërë numrat. Kjo qasje e Mytaher Haskukës, tregon se sa i vobektë është në të kuptuarit e qeverisjes lokale, dhe sa degraduese është qasja e tij në zhvillimin e qytetit të Prizrenit”, shkruan Islamaj.
Islamaj ka thënë se arroganca e pushtetit lokal në Prizren sot ka tentuar të bëjnë rishikimin e buxhetit në mënyrë klandestine.
“Për të qeverisur suksesshëm një komunë domosdo duhet ta kesh shumicën në Kuvendin e Komunës, ngase ligji e njeh si autoritetin më të lartë vendimmarrës dhe politikë bërës për një komunë të caktuar. Arroganca e pushtetit lokal në Prizren, tanimë e njohur me gjuhën dhe veprimet e veta, edhe sot tentoi në mënyrë klandestine, për interesa të pushtetit, ta kalojë rishikimin e buxhetit komunal. Për ta marrë një vendim në Kuvendin e Komunës, në seancë duhet të jenë të pranishëm mbi gjysma e anëtarëve të Kuvendit dhe për të konsideruar se një vendim ka kaluar duhet që së paku shumica e anëtarëve të pranishëm të kenë votuar për, nëse me ligj nuk është paraparë ndryshe”, shkruan Islamaj.
“Sot, Mytaher Haskukës i dështoi seanca urgjente e Kuvendit të Komunës për rishikimin e buxhetit, ngase para ca ditësh e përjashtoi partnerin e fundit nga koalicioni, prandaj është e habitshme se si, i njëjti, pret që me qasje përjashtuese t’i afrohen partnerë për t’ia bërë numrat. Kjo qasje e Mytaher Haskukës, tregon se sa i vobektë është në të kuptuarit e qeverisjes lokale, dhe sa degraduese është qasja e tij në zhvillimin e qytetit të Prizrenit”, shkruan Islamaj. /Telegrafi/