Komuna e Prizrenit, respektivisht Drejtoria për Kulturë, Rini dhe Sport, në bazë të Nenit 16 të Ligjit Nr. 04/L – 106 për Teatrot dhe Rregullores Nr.OS/2014 dhe 04/2019 për Themelimin dhe funksionimin e Ansamblit Rezident të Teatrove Kombëtare dhe Teatrove të Qyteteve, ka shpallur konkurs për 11 aktor rezident në teatrin e qytetit të Prizrenit.
Kushtet dhe shkathtësitë e kërkuara për kandidatët potencial që duhet plotësuar janë: Diplomë Universitare, Fakulteti i Arteve – dega e aktrimit, të kenë së paku tri vite përvojë pune aktive në realizimin e roleve në Teatër, të dëshmojë talentin dhe përvojën e tij para audicionit që e organizon Komisioni profesional i Teatrit të Qytetit të Prizrenit etj.
Konkursi është i hapur 15 ditë kalendarike nga dita e publikimit, duke filluar nga data e publikimit më 15.06.2020 deri më datën 29.06.2020 që konsiderohet si ditë e fundit e mbylljes së konkursit. Aplikacionet e dorëzuara pas afatit të paraparë nuk pranohen dhe aplikacionet e mangëta refuzohen.
Instruksione Aplikimi: Kërkesa (Aplikacioni) për punësim gjendet në https://kk.rks-gov.net/prizren/category/konkurset-njoftimet/aplikacione/ dhe pas plotësimit sipas çdo pike të aplikacionit, i bashkëngjitni dokumentet të cilat kërkohen sipas konkursit dhe mund të aplikoni tek ne drejtpërdrejtë -Adresa jonë: në sportelin e pranimit, në objektin e administratës komunale në Komunën e Prizrenit, rr. “Remzi Ademaj” p.n. -Prizren.