Komuna e Prizrenit ka njoftuar se ka bërë inspektimin e punimeve në kanalet e ujërave atmosferike, kanalizimit të ujërave të zeza, të rrugëve lokale dhe ato të ndriçimit publik në Krushë të Vogël, raporton PrizrenPress.
Sipas njoftimit, me këtë rast operatori ekonomik është urdhëruar për sanimin e gjendjes.
“Drejtoria e Shërbimeve Publike ka bërë inspektimin e punimeve në kanalet e ujërave atmosferike, kanalizimit të ujërave të zeza, të rrugëve lokale dhe ato të ndriçimit publik në Krushë të Vogël, me ç’rast operatori ekonomik është urdhëruar për sanimin e gjendjes”, thuhet në njoftim. “Drejtoria e Shërbimeve Publike njofton se projektet e radhës do të sinkronizohen për të qenë në përputhje me kërkesat e banorëve të këtij fshati”./PrizrenPress.com/
