Arturo Vidal i është bashkuar Interit edhe zyrtarisht nga Barcelona. Mesfushori kilian ka nënshkruar kontratë dyvjeçare me zikaltrit, me mundësi për një vit shtesë.
Mesfushori kilian i bashkohet Interit si lojtar i lirë, por gjiganti italian dhe Barcelona kanë rënë në ujdi për një shumë prej 1 milionë euro bonuse, transmeton Gazeta Express.
Vidal mbërriti në Milano të dielën dhe i kreu testet mjekësore me klubin zikaltër, para se të nënshkruajë marrëveshje dyvjeçare.
Vidal ishte në mesin e disa futbollistëve të padëshiruar nga trajneri i ri i Barcelonës, Ronald Koeman.
Kiliani u rikthye në Serie A pesë vjet pasi e braktisi Juventusin për t’iu bashkuar Bayern Munich.
Në Inter, ai ribashkohet me ish-trajnerin e vet te Juve, Antonio Conte dhe me bashkatdhetarin e vet Alexis Sanchez.