Ish-shefi i inteligjencës së FSK-së, Sali Mustafa, është arrestuar.
Këtë e kanë konfirmuar zëdhënësi i Ministrisë së Mbrojtjes, Ibrahim Shala, që tha se ende nuk ka informatë zyrtare.
“Po e konfirmojmë arrestimin e zotit Sali Mustafa zyrtar civil në Ministrinë e Mbrojtjes. Si Ministri e Mbrojtjes ende nuk kemi informacion zyrtar. Jemi në pritje të njoftimit zyrtar për shkaqet e arrestimit. Kur do ta kemi informacion shtesë do të ju njoftojmë me kohë”, ka thënë Shala për klankosova.tv
Në media u raportua se Mustafa, që ishte ish-epror i UÇK-së në zonën operative të Llapit, u arrestua nga Policia e EULEX-it për krime lufte.
Lajmi.net ka kontaktuar edhe me nënkryetarin e OVL-UÇK-së Nasim Haradinaj, por që i ka thënë se nuk kanë informata, për këtë kanë dëgjuar në media.
“Po kemi dëgjuar në media, ne nuk kemi informata tjera, pos atyre që pamë në media”, tha Haradinaj për lajmi.net