Smajl Latifi i AAK-së beson se pas 1 dhjetorit, do të mbetët i pari i Rahovecit Ai thotë se AAK-ja është e vetmja alternativë në Rahovec. “AAK-ja ka vizion se si do ta zhvillojë Rahovecin”, thotë Latifi për “PrizrenPress”.
Në zgjedhjet e 3 nëntorit, kandidati i AAK-së për kryetar të Rahovecit, Smajl Latifi, ka mbetur në balotazh me kandidatin e PDK-së, Idriz Vehapin.
Ai beson se qytetarët do ta zgjedhin sërish në krye të Komunës së Rahovecit. “Kam vërejtur dëshirën e elektoratit që unë të vazhdojë ta qeverisi Rahovecin. Ata po e vlerësojnë punën që e kemi bërë në këtë gjysmë mandati”.
Latifi për balotazh javën e kaluar është përforcuar me LDK-në. “Ky koalicion do të na sigurojë fitoren pa telashe”. Ai nuk ka pranuar të tregojë se si e kanë ndarë “kulaçin” e koalicionit me LDK-në, nëse do të dalin fitues me 1 dhjetor.
“Për ne e rëndësishme është fitorja, kurse ndarja e pozitave është e pa rëndësishme”.
“Sipas marrëveshjes partnerët do të bashkojnë potencialet intelektuale, njerëzore e materiale në shërbim të një qeverisjeje më të mirë, të mbështetur në vendimmarrje të ligjshme, transparente dhe efikase”.
“AAK dhe LDK besojnë fuqishëm në fitore bindëse në zgjedhjet e 1 dhjetorit dhe ju bëjnë thirrje qytetarëve të komunës së Rahovecit që ta mbështesin këtë marrëveshje, sepse është alternativa më e mirë për zhvillim më të hovshëm ekonomik të komunës së Rahovecit, si dhe për përmirësim të gjendjes sociale të të gjithë qytetarëve të kësaj komune pa dallim”
AAK-ja dhe LDK-ja në Rahovec,pas zyrtarizmit të koalicionit, i kanë bashkërenduar aktivitetin e tyre politike për balotazh. “Jemi duke punuar bashkërisht”,tregon Latifi./PrizrenPress.com/