Kadri Veseli, i njohur në opinionin vendës edhe si ish-shefi i SHIK-ut, mund të jetë pasuesi i Hashim Thaçit në krye të Partisë Demokratike të Kosovës. Apetitet e Veselit për të marrë nën drejtim partinë janë shprehur sheshas që nga Kuvendi i fundit zgjedhor, kur me procedura të shpejtuara fitoi besimin për të marrë postin e zëvendëskryetarit të PDK-së.
Ndërkaq, gjatë fushatës së fundit, Veseli është parë në paraqitjet “solo”, krahas fushatës që Thaçi udhëhoqi me ekipin e tij. Veseli ka organizuar edhe një “minifushatë” tjetër të PDK-së duke prezantuar edhe aderime të reja në parti,shkruan Tribuna.
Analisti politik, Halil Matoshi, vlerëson se në PDK për një kohë të gjatë po zhvillohet një betejë për të qenë në majë të partisë. Kjo, sipas tij, ishte dëshmuar edhe me rastin e Fatmir Limajt e Jakup Krasniqi të cilët nuk ishin ndier rehat me pozitat numër dy e tre në parti. /Tribuna/