Pavarësisht se nuk e kishin obligim për t’u lajmëruar, persona mbi moshën 65-vjeçare hasen në zyrat e pensioneve.
Madje, një gjë të tillë e bëjnë edhe në orare kur për moshën e tyre ka kufizime në lëvizje, shkaku i masave mbrojtëse antiCOVID që aplikohen tani e një kohë.
E ata që shkojnë për t’u lajmëruar nuk po kthehen mbrapa as nga zyrat përkatëse.
Se do të ketë një vendim të për këtë çështje e ka konfirmuar ministri Skënder Reçica, e kjo do të ndodhë në fillim të javës tjetër.
Edhe Izet Shala nga Departamenti i Pensioneve e ka thënë të njëjtën gjë, por pa treguar diçka më shumë.
Deri në fund të vitit 2020, pensionistët nuk ishin të detyruar të paraqiteshin për pension në zyrat përkatëse shkaku i pandemisë COVID-19.
E, si pasojë e pandemisë, Qeveria ka marrë masa kufizuese për më të moshuarit, të cilët mund të lëvizin deri në orën dhjetë në mëngjes, ndërsa pasdite nga ora katër deri në orën shtatë të mbrëmjes.