Kryetari i Komunës së Prizrenit, Mytaher Haskuka, sot ka nënshkruar 17 vendime të ndryshme për investime në fushën e arsimit.
Me këtë rast Haskuka theksoi se fëmijët janë e ardhmja e vendit tonë, andaj investimet e Komunës së Prizrenit në fushën e arsimit do të vazhdojnë edhe në të ardhmen.
Më poshtë ju sjellim 17 vendimet për investime në fushën e arsimit:
– Lejimi për ndërtimin e objektit të ri shkollor në Kushnin të Hasit,
– Lejimi për ndërtimin e objektit të ri shkollor në fshatin Krushë e Vogël,
– Lejimi për ndërtimin e objektit të ri shkollor “Gjergj Kastriot Skënderbeu” (ish Pjetër Mazreku) në fshatin Mazrek
– Lejimi për ndërtimin e aneks objektit shkollor “Ardhmëria” në fshatin Landovicë,
– Lejimi për ndërtimin e çerdhes për fëmijë në Prizren dhe renovimin e çerdheve ekzistuese,
– Lejimi për renovimin e tërësishëm të sallës së edukatës fizike të shkollës “Mati Logoreci” në Prizren,
– Lejimi i ndërrimit të dyshemesë së sallës së edukatës fizike në shkollën “Nazim Kokollari” në Prizren,
– Lejimi për renovim të kulmit të objektit shkollor “25 Maji” në fshatin Lubinjë e Poshtme,
– Lejimi për rregullimin e ambientit të oborreve në shkollat e Komunës së Prizrenit,
– Lejimi për ndërrimin e dyerve dhe dritareve të shkollës “Fatmir Berisha“ në Prizren,
– Lejimi për furnizim me pajisje sportive për salla të edukatës fizike,
– Lejimi adoptimit të hapësirës me laboratorë dhe furnizim me pajisje për shkolla,
– Lejimi për renovimin e nyjeve sanitare në disa shkolla të Komunës së Prizrenit,
– Lejimi për furnizim me inventarë shkollor,
– Lejimi për vendosjen e busteve nëpër shkollat e Komunës së Prizrenit,
– Lejimi për furnizim me dollapë për shkolla,
– Ndërrimi i kaldajave të ngrohjes qendrore në disa shkolla të Komunës së Prizrenit.
