18.4 C
Prizren
E premte, 14 Mars, 2025

KQZ-ja, pa datë për certifikimin e zgjedhjeve

KQZ-kati2Fillimi i punës së kryetarëve të komunave të cilët fituan besimin e qytetarëve me 3 nëntor, pastaj edhe me një dhjetor, varet kryekëput nga Komisioni Qendror i Zgjedhjeve (KQZ).

Eksperti i zgjedhjeve, Mazllum Baraliu, ka theksuar për Telegrafin se kryetarët e zgjedhur të komunave duhet të betohen një muaj pas certifikimit të zgjedhjeve nga Komisioni Qendror i Zgjedhjeve (KQZ).

“Në bazë të dispozitave të Ligjit për Vetëqeverisje Lokale, bëhet betimi i kryetarëve të ri. Vendi nuk është i përcaktuar se ku duhet të bëhet ky betim”, ka thënë ai për Telegrafin.

Ish-kryeshefi i KQZ-së tha se ligji nuk e kushtëzon KQZ-në se në çfarë afati kohor duhet t’i certifikojë zgjedhjet.

“KQZ-ja, siç edhe po shihet, nuk ka qenë deri më tani efikase në punën e tyre, duke e tejzgjatur certifikimin e zgjedhjeve në raundin e parë, i cili u mbajt me 3 nëntor”, ka shtuar Baraliu.

Zëdhënësi i Komisionit Qendror të Zgjedhjeve (KQZ), Valmir Elezi, ka theksuar për Telegrafin se në momentin kur nuk do të ketë çështje të hapura, atëherë KQZ-ja do të bëjë certifikimin e rezultatit përfundimtar të raundit të dytë të zgjedhjeve lokale dhe rezultatit përfundimtar për Kuvendet Komunale.

Në zgjedhjet lokale të 3 nëntorit, në nëntë komuna gara ka përfunduar qysh në raundin e parë, me ç’rast janë rikonfirmuar kryetarët aktual. Ndërsa, 25 komuna kanë vazhduar garën e balotazhit, proces i cili është përcjellë me befasi të shumta.

Më Shumë

Penza fiton ndaj skuadrës prizrenase, Junior 06

KBF Penza e mposhti KBF Junior 06 me rezultat 98-84. Nicole Terry për herë të tretë në këtë stinor shkëlqeu me shifrat magjike triple-double. Ajo...

Prizren, mbahet gjallë tradita e hedhjes së “topit të iftarit”

Në qytetin e Prizrenit po vazhdon të mbahet gjallë tradita e hedhjes së “topit të iftarit” që paralajmëron hyrjen e kohës kur agjëruesit mund...

Lajmet e Fundit