Aleanca për Ardhmërinë e Kosovës shënon të dielën 21-vjetorin e themelimit.
Për shkak të gjendjes pandemike, nga AAK-ja kanë njoftuar se kanë planifikuar një ngjarje me përmasa të lejuara, në respekt të rekomandimeve të IKSHPK-së.
Sipas njoftimit, ngjarja do të mbahet në “Parkun e Gërmisë”, ku para mediave do të paraqitet themeluesi dhe kryetari i Aleancës, Ramush Haradinaj.
Aleanca për Ardhmërinë e Kosovës (AAK) është një parti politike e formuar në vitin 2000 nga parti dhe individë me një të kaluar patriotike.
Në fillim, AAK-ja, ishte një koalicion i pesë partive atdhetare. Në vitin 2001, dy nga partitë u tërhoqën nga koalicioni. Pas zgjedhjeve parlamentare të vitit 2001, për zgjedhjet komunale në vitin 2002, AAK-ja u regjistrua si partie politike e pavarur, dhe filloi të funksionojë si parti e vetme e jo si një koalicion.
Kryetar i partisë që nga themelimi ka qenë dhe është Ramush Haradinaj.