Zelandezi Joseph Parker e mori veten pas një nokdauni që mori në 10 sekondat e para të luftës, duke e mposhtur me pikë pas 12 rundeve britanikun Derek Chisoran. Ai me fitoren i është afruar luftës për titull bote në peshën e rëndë.
Meçi u mbajt të shtunën mbrëma në Manchester. Parker u rrëzua me një të djathtë të fuqishme në sekondat e para të përballjes. Mirëpo, ish-kampioni i botës e rimori veten dhe ngadhënjeu.
Dy anëtarë të jurisë ia dhanë fitoren Parkerit me rezultatin 115:113, ndërsa njëri Chisoras me rezultat 116:111.
Chisora pas meçit u nda i pakënaqur me vendimin e gjyqtarëve.
“Është e vështirë. Unë po stërvitem fort, dhe ky është trajtimi që marrë nga bota e boksit”, ka thënë Chisora, raporton BBC.
Për Parkerin ishte fitorja e 29-të në boksin profesionist karshi dy humbjeve. Ndërkohë Chisora e pësoi humbjen e 11-të karshi 32 fitoreve.
Lufta ishte e vlefshme për titullin WBO Inter-Continental në peshën e rëndë.
I pyetur pas fitores nëse mund ta fitojë titullin e botës, Parker është përgjigjur: “Është shumë e arritje. Thjeshtë duhet t’i kthehem stërvitjeve. Ende kam shumë për të treguar”.