Një seri vjedhjesh bankomati janë zbuluar këto ditë në Peru, nëpër bankomate ku skema ka habitur jo vetëm vendasit, por lajmi është bërë viral në gjithë botën.
Policia Kombëtare e Perusë, PNP, ka zbuluar se vetëm gjatë muajit prill, ishin modifikuar 193 bankomate nëpërmjet energjisë elektrike.
Rrjeti i organizuar i hajdutëve kishin lidhur bankomatet me energji që e komandonin vetë ata, ruanin personat që shkonin të tërhiqnin para dhe në momentin që klienti përfundonte të gjitha procedurat, hajdutët i hiqnin energjinë bankomatit duke mos lejuar nxjerrjen e parave dhe sapo personi largohej ata takonin energjinë dhe banda merrte shumën e parave që kishte kërkuar klienti më parë.
Kjo skemë parandalon një person të tërheqë paratë në mënyrë që më vonë krimineli të mund t’i mbajë ato.
“Në muajt e fundit kemi vënë re që numri i vjedhjeve në bankomate është rritur ndjeshëm. Po mundohemi të gjejmë të gjitha bankomatet e modifikuara, por nëse bankomati ku po tërhiqni para fiket, ju duhet të thërrisni policinë, mos iki nga aty sepse paratë do ua marrë dikush tjetër sapo të largoheni ju.- tha koloneli PNP, Freddy Velasquez.