Japonia të premten ka aprovuar përdorimin e dy vaksinave të tjera – Moderna dhe AstraZeneca – disa orë para zgjerimit të gjendjes emergjente për shkak të COVID-19 që do të mbulojë rreth 40 për qind të popullsisë. Është përpjekja e fundit për të tentuar parandalimin e infeksionit para hapjes së Lojërave Olimpike në Tokio.
Ministri i Shëndetësisë, Norihisa Tamura, ka thënë se dy vaksinat do të përshpejtojnë vaksinimin. Japonia ka vaksinuar vetëm 4 për qind të popullsisë deri tash, shkruan AP.