Ndeshja miqësore kundër Austrisë, i kushtoi rëndë Kombëtarës së Anglisë.
Mbrojtësi i skuadrës së Liverpool-it, Trent Alexander-Arnold ka pësuar një lëndim, që do ta lërë jashtë Kampionatit Evropian, i cili do të fillojë për pak ditë.
Ishte vet klubi i Liverpool që konfirmoi mos grumbullimin e mbrojtësit 22-vjeçar, me Kombëtaren e Anglisë.
“Arnold ka pësuar një dëmtim në kofshë, në ndeshjen kundër Austrisë. Për shkak të dëmtimit, ai nuk do të marrë pjesë në Kampionatin Evropian i cili do të fillojë në javën e ardhshme”, thuhet në postimin e klubit.
Alexander-Arnold do të jetë një mungesë e madhe për trajnerin Gareth Southgate, pasi që mbrojtësi i Liverpool-it, ka qenë gjithmonë një titullar i padiskutueshëm në formacionin e tij.
Skuadra e Liverpool ka thënë se mbrojtësi i tyre do të kthehet menjëherë në Anfield, për të filluar shërimin e tij, i cili pritet të zgjatë së paku katër javë.
/Albanianpost.com