Komuna e Prizrenit subvencionon fermerët me 329 krerë mëshqerra gravide
Kryetari i Komunws, Mythaer Haskuka tha se “një nga prioritetet e komunës sonë, është zhvillimi i bujqësisë dhe rritja e kapaciteteve prodhuese të fermerëve, ndaj gjatë qeverisjes me komunën, jam angazhuar fuqishëm për rritjen e vazhdueshme të buxhetit dhe subvencioneve për Drejtorinë e Bujqësisë dhe Zhvillimit Rural. Nga kjo rritje ka përfituar edhe projekti i përvitshëm “Furnizim me Mëshqerra Gravide”.”
“Sot kemi ndarë 60 krerë lope qumështore për fermerët e komunës sonë. Në katër vitet e fundit kemi shpërndarë 329 mëshqerra gravide apo lopë qumështore”.
“Ky projekt ka një rëndësi të madhe, meqë mundëson rritjen e kapaciteteve të prodhimit të qumështit, rritjen e fondit blegtoral, përmirësimin racor të lopëve, si dhe rritjen e punësimit në këtë fushë. Po ashtu me këtë projekt po i mbështesim fermerët të cilët dëshirojnë që të aplikojnë për subvencione nga Ministria e Bujqësisë, Pylltarisë dhe Zhvillimit Rural”.
“Mbështetja për fermerët do të vazhdojë edhe me projekte të tjera!”, tha Haskuka.
