Gjykata Themelore në Mitrovicë ka refuzuar kërkesën për lirimin e Sami Lushtakut për disa orë, për të bërë betimin për mandatin e ri si kryetar i komunës se Skenderajt, ashtu siç parashihet me Ligjin për Vetëqeverisje Lokale.
Lajmin e ka konfirmuar për “Epokën e re” avokati i Lushtakut, Arianit Koci. “Është refuzuar kërkesa”, ka thënë shkurt përmes telefonit Koci.
Sami Lushtaku në zgjedhjet e 3 nëntorit ka fituar mbi 88 për qind të votave në garën për kryetar të Komunës së Skenderajt. Ky vendim i Gjykatës Themelore në Mitrovicë për mos lirimin e Lushtakut për të dhënë betimin si kryetar i Skenderajt, hap rrugën që kjo komunë të shkojë në zgjedhje të reja.