Ministria e Financave në bashkëpunim më qeverinë e gjermane dhe më Bankën Gjermane KFW, kanë nënshkruar marrëveshjen për financimin e projektit të Ujësjellësit Hidroregjinoni në Prizren, në vlerë prej 2.5 milion euro.
Ky projekt është bërë me qëllim të përmisimit të furnizimit me ujë, si dhe investimin në efiçiencën energjetike. Ministri i Financave Besim Beqaj, tha se ky projekt është në favor të qytetarëve, sepse kosto e furnizimit me ujë do të jetë më i ulët. Beqaj është shprehur se Qeveria gjermane dhe KFW-ja janë donatori më i fuqishëm që nga paslufta në Republikën e Kosovës.
Qeveria gjermane dhe KFW-ja janë prezent dhe janë donatori më i fuqishëm, më i madh, që nga pas lufta në Republikën e Kosovës. Sigurisht që nga pas lufta deri më tani, kanë bërë shumë projekte të cilat janë të rëndësisë së veçantë, qoftë në fushën e ujësjellësve apo edhe në fushat e tjera, të cilat në fushën e energjisë edhe të efiçiencës së energjisë, kanë pas një angazhim të jashtëzakonshëm. Ne e kemi një mirëkuptim dhe një falënderim të madh për qeverinë e Gjermanisë dhe të KFW për angazhimin e saj që ka bërë gjatë këtyre viteve, e cila beson në institucionet e Republikës së Kosovës dhe të ardhmen e Republikës së Kosovës, tha Beqaj.
Drejtori i Bankës Gjermane KFW, tha se po thellohet bashkëpunimi duke e vlerësuar këtë marrëveshje si hap të ri në synimet e përbashkëta.
Bashkëpunimi në zhvillim ka marr përmasa të reja dhe me kohë janë zhvilluar hapa të ri drejt synimeve të përbashkëta. Deri sa në fillim bashkëpunimi ishte i përqendruar në përmisimit e ofrimit të ujit, tash jemi të përqendruar në rritjen efiçiencës së energjisë. Ndjekja e qëllimit të përmisimit të efiçiencës energjetike është gjithashtu një gurthemel drejt përmbushjes së pikësynimeve të integrimit në Bashkimin Evropian. Duke qenë së KFW është gjithashtu e njohur si Bankë që ofron kredi afatgjata, ne jemi të gatshëm gjithashtu që t’i ofrojmë qasje Kosovës edhe në këtë aspekt, tha drejtori i Bankës Gjermane për Zhvillim për Kosovë, Maqedoni, Shqipëri dhe Mal të Zi, Joerg Meilicke.
Sipas gjetjeve të Projektit, sasia e ujit në Prizren, është e mjaftueshme për 25 vitet e ardhshme. Ndërsa sipas ministrit Beqaj, janë bërë të gjitha përgatitjet për të filluar implementimi i projektit, si dhe shumë shpejtë do të këtë edhe projekte të reja që janë diskutuar ndërmjet dy qeverive, asaj të Gjermanisë dhe Kosovës.